Yuxarı
    Bağlamaq

    Fədayə Laçın və daha 12 nəfərin məhkəməsi başlayıb - YENİLƏNİB

    Dinlə
    Müğənni Fədayə Laçın

    Bakı. 3 avqust. REPORT.AZ/ Bu gün Bakı Ağır Cinayətlər Məhkəməsində Bakıda məhbusların qaçmasına kömək göstərməkdə təqsirləndirilən müğənni Fədayə Laçın və daha 12 nəfərin cinayət işi üzrə məhkəmə iclası başlayıb.

    "Report"un xəbərinə görə, hakim Azad Məcidovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilən zaman Penitensiar xidmətin sabiq qarovul rəisi Ceyhun Səmədov bildirib ki, 2 azyaşlı uşağı var.

    Penitensiar xidmətin sabiq qarovul rəis müavininin Fuad Hacıyevin 3 azyaşlı, qarovul rəisinin digər sabiq müavini Tural Polatxanovun 1 azyaşlı uşağı, Penitensiar xidmətin Konvoy taborunun sabiq komandiri Bəhruz Abdullayevin 2 uşağı, Əli Ağaminin 2 azyaşlı uşağı, taksi sürücüsü Məhəmməd Hacıyevin 3 uşağı, İsrəfil Soltanovun 2 uşağı və Anar Əsgərovun 3 uşağı olduğu elan olunub.

    Günay Atakişiyeva, Tərlan Zeynalov və Şahmar Bəyəlizadə isə subay olduqlarını söyləyiblər.

    Müğənni Fədayə Laçın qeyd edib ki, 1976-cı ildə Laçın rayonunda anadan olub, 24 yaşlı oğlu var. O bildirib ki, əvvəllər həbsdə olmayıb.

    Daha sonra təqsirləndirilən Aqil Nəcəfovun vəkili vəsatət qaldırıb. O, müvəkkili barəsində olan cinayət işinə xitam verilməsinin istəyib.

    Digər təqsirləndirilən Anar Əsgərovun vəkili Gülşən Salmanova vəsatət qaldıraraq hüquqlarını müdafiə etdiyi şəxsin ev dustaqlığına buraxılmasını tələb edib.

    Vəsatətlər təmin edilməyib.

    Məhkəmənin baxış iclası avqustun 8-nə təyin edilib.


    *** 15:08

    Bakı. 3 avqust. REPORT.AZ/ Bu gün Bakı Ağır Cinayətlər Məhkəməsində Bakıda məhbusların qaçmasına kömək göstərməkdə təqsirləndirilən müğənni Fədayə Laçın və daha 12 nəfərin cinayət işi üzrə məhkəmə iclası başlayıb.

    "Report"un xəbərinə görə, hakim Azad Məcidovun sədrliyi ilə keçirilən prosesdə təqsirləndirlən şəxslərin anket məlumatları dəqiqləşdirilib.

    Hazırda məhkəmə iclası davam etdirilir.

    Qeyd edək ki, ötən il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova (Fədayə Laçın) təqsirləndirilən şəxs qismində cəlb olunaraq Nəsimi Rayon Məhkəməsinin qərarı ilə barəsində həbs qətimkan tədbiri seçilib.

    Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

    Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 304.2.1 (qabaqcadan əlbir olan bir qrup şəxs tərəfindən azadlıqdan məhrum etmə və ya həbs yerindən, yaxud mühafizə altından qaçma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanmaqla istintaq qrupu yaradılıb, dərhal təxirəsalınmaz istintaq hərəkətləri aparılıb.

    Baş Prokurorluğun, Daxili İşlər Nazirliyinin və Ədliyyə Nazirliyi Məhkəmə Ekspertizası Mərkəzinin ekspertlərinin iştirakı ilə hadisə yerinin müfəssəl müayinəsi həyata keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

    Əməliyyat-axtarış tədbirləri nəticəsində 2017-ci ilin oktyabrın 23-də Bakı-Astara-Bakı planlı dəmir yolu qarovulu ilə Bakı şəhərinə müşayiət zamanı xüsusi vaqondan qaçmış, 1989-cu ildə Şirvan şəhərində anadan olmuş, əvvəllər məhkum olunmamış, Cinayət Məcəlləsinin 120.2.2 və 228.1-ci maddələri ilə təqsirləndirilən Əli Ağami Şirvan şəhərində tutularaq istintaq təcridxanasına yerləşdirilib, araşdırma aparılır. “Qoca” ləqəbli Etibar Məmmədov isə saxlanılan zaman atışmada ölüb.

    Xatırladaq ki, cinayət işi üzrə 13 nəfər təqsirli bilinir və 1 nəfər barəsində isə axtarış elan olunub. Həbsdə olan şəxslər müğənni F.Laçın, Penitensiar xidmətin Konvoy taborunun komandiri, Penitensiar xidmətin üç əməkdaşı - qarovul rəisi Ceyhun Səmədov, qarovul rəisinin müavini Fuad Hacıyev və qarovul rəisinin digər müavini Tural Poladxanov, Əli Ağami, Günay Atakişiyeva, taksi sürücüsü Məhəmməd Hacıyevlə yanaşı, Aqil Nəcəfov, Anar Əsgərov, İsrəfil Soltanov, Şahmar Bəyəlizadə və Tərlan Zeynalovdur.

    İttiham aktına əsasən, 7 nəfər - Müzəffər Məmmədov, Emil Səfərov, Ramil Səlimov, Hətəm Əliyev, Vüsal Abbasov, Rövşən Camalov və Rəşad Məmmədov zərərçəkmiş şəxs qismində tanınır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi