ETSN: Badamdarda sürüşmə sahəsində aktivlik davam edir

Bakı. 16 oktyabr. REPORT.AZ/ Badamdardakı sürüşmə zonasında aktivlik davam edir.

Ekologiya və Təbii Sərvətlər Nazirliyi tərəfindən yaradılan Qərargahdan “Report”a verilən məlumata görə, saat 21:00-a olan monitorinqlərin nəticələrinə əsasən, sürüşmə kütləsinin həm cənub, həm də şimal hissəsində torpaq qatının kənarlarında xırda çatlar əmələ gəlib.

"Sürüşmə kütləsinin həm cənub, həm də şimal hissəsində torpaq qatının kənarlarında xırda çatlar müşahidə edilib və bu da sürüşmə kütləsinin ölçülərinin artması ilə müşayət oluna bilər", - deyə məlumatda bildirilir.