Xarici vətəndaş səhvən Bakı sakininin bank hesabına 3200 dollar göndərib

Xarici vətəndaş səhvən Bakı sakininin bank hesabına pul göndərib.

"Report"un xəbərinə görə, hadisə bu ilin iyul ayında baş verib.

Özbəkistan vətəndaşı Zülfi Feyzullayev Bakı şəhər sakini S.M.-in bank hesabına səhvən 3200 dollar pul göndərib. O, pul göndərdiyi adamdan pulunu geri istəyib. Lakin Bakı sakini olan kişi pulu qaytarmaqdan imtina edib.

Bununla bağlı Z.Feyzullayev Nəsimi Rayon Polis İdarəsinin 21-ci Polis Bölməsinə şikayət edib.

Faktla bağlı araşdırma aparılır.