Yuxarı

Dərslik və dərs vəsaitləri üzərində reklam yerləşdirmək qadağan edilir

Eyni zamanda teatr tamaşasının gedişində və filmlərin nümayişi zamanı reklamın yayımlanmasına icazə verilməyəcək

Bakı. 2 fevral. REPORT.AZ/ Azərbaycanda dərslik, dərs vəsaiti, tədris materialı, məktəb gündəliyi, dəftər, albom, yetkinlik yaşına çatmayanlar üçün nəzərdə tutulmuş kitabda reklam yerləşdirilməsi qadağan edilir. 

"Report" xəbər verir ki, mövcud qadağa "Reklam haqqında" qanuna edilməsi nəzərdə tutulan dəyişiklik layihəsində yer alıb. 

Yeni layihəyə əsasən, yetkinlik yaşına çatmayanlar üçün nəzərdə tutulmuş dövrü mətbu nəşrlərdə onlara aid olmayan əmtəələrin, alkoqollu içkilərin reklamı qadağandır. Bununla yanaşı, teatr tamaşasının gedişində və filmlərin nümayişi zamanı reklamın yayımlanması qadağan edilir.

Bundan əlavə, dövlət və bələdiyyə orqanlarının yerləşdiyi binalarda, tarixi və memarlıq abidələrinə aid edilmiş tikililərdə də reklamın yerləşdirilməsi qadağandır.

Layihə Milli Məclisin iclasında ilk oxunuşda qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi