Cəzacəkmə müəssisələrinə telefon, narkotik maddələr keçirilməsinin qarşısı alınıb

Bakı. 27 mart. REPORT.AZ/ Ədliyyə Nazirliyinin Penitensiar Xidmətin tabeçiliyində olan cəzaçəkmə müəssisələrinə və istintaq təcridxanalarına qadağan olunan əşyaların və narkotik maddələrin keçirilməsinə qarşı mübarizə aparılır.

Qurumun İctimaiyyətlə əlaqələr şöbəsindən "Report"a verilən məlumata görə, Penitensiar Xidmətin Baş idarəsinin və tabe qurumların birgə həyata keçirdikləri əməliyyat-axtarış tədbirlərinin nəticəsində Novruz bayramı günlərində 6 mobil telefon, habelə narkotik maddə və uyuşdurucu dərman preparatlarının müəssisələrə keçirilməsinin qarşısı alınıb.

Faktlar üzrə toplanılan materiallar hüquqi qiymət verilməsi üçün müvafiq orqanlara göndərilib.