Cəlilabadda yol qəzası olub, iki qadın xəsarət alıb 

Cəlilabad rayonunda xəsarətlə nəticələnən yol qəzası baş verib.

"Report"un Muğan bürosu xəbər verir ki, iki minik avtomobilinin toqquşması nəticəsində iki nəfər xəsarət alıb.

Onlar Sumqayıt şəhər sakinləri - 1968-ci il təvəllüdlü Diləfruz Mirzəyeva və 1952-ci il təvəllüdlü Təyibə Səmədovadır.

Yaralılar Cəlilabad Rayon Mərkəzi Xəstəxanasına çatdırılıb.

Faktla bağlı araşdırma aparılır.