Cəlilabadda yol qəzası olub, bir nəfər xəsarət alıb

Cəlilabad rayonunda baş verən yol qəzasında bir nəfər xəsarət alıb. 

"Report" un Aran bürosu xəbər verir ki, hadisə bu gün səhər saatlarında Ələt-Astara magistral yolunun rayon ərazisindən keçən hissəsində qeydə alınıb.

Belə ki, iki minik avtomobilin toqquşması nəticəsində rayonun Göytəpə şəhər sakini, 1964-cü il təvəllüdlü Qarayeva Yasəmən  Əliheydər qızı müxtəlif dərəcəli bədən xəsarətləri alıb. O, Cəlilabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.