Yuxarı

Cəlilabadda qanunsuz ov edən şəxslər saxlanılıb - FOTO

Cəlilabadda qanunsuz ov edən şəxslər saxlanılıb - FOTO
Onlardan 25 ədəd gərəf və 8 ədəd çöl ördəyi götürülüb

Cəlilabad. 7 dekabr. REPORT.AZ/ Daxili İşlər Nazirliyinin Baş İctimai Təhlükəsizlik İdarəsi və Cəlilabad rayon Polis şöbəsi əməkdaşlarının keçirdiyi birgə reyd zamanı rayon ərazisində qanunsuz ov edən şəxslər saxlanılıb.

“Report”un Aran bürosu xəbər verir ki, yerli sakinlər Asif Soltanov, Tahir Məmmədov və Uzuntəpə kənd sakini İnşallah Həsənov heç bir icazə sənədi olmadan birlikdə Mahmudçala ovçuluq təsərrüfatında 25 ədəd gərəf və 8 ədəd çöl ördəyi ovlayıblar.

Saxlanılan zaman o da məlum olub ki, ovçulardan Tahir Məmmədovun üzərindəki ov tüfəngi heç bir yerdə qeydiyyatda deyil.

Faktla bağlı Cəlilabad rayon Polis şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi