Cəlilabadda iki qadın psixotrop dərmandan zəhərlənib 

Cəlilabad rayonunda iki qadın dərmandan zəhərlənib.

"Report"un Muğan bürosunun məlumatına görə, hadisələr rayonunun ayrı-ayrı kəndlərində qeydə alınıb.

Belə ki, rayonunun Maşlıq kənd sakini, 2001-ci il təvəllüdlü G.Quliyeva qəbul etdiyi dərmandan zəhərlənib. Qadın rayon xəstəxanasına aparılıb və reanimasiya şöbəsinə yerləşdirilib. Məlumata görə, qadın həyat yoldaşının psixotrop dərmanlarını qəbul edib. Hadisənin intihar olub-olmaması məlum deyil.

Digər hadisə isə rayonun Qarazəncir kəndində qeydə alınıb. Belə ki, kənd sakini, 1993-cü il təvəllüdlü P. Abdullayeva psixatrop dərmandan zəhərlənib. Qadın rayon xəstəxanasına aparılıb və reanimasiya şöbəsinə yerləşdirilib.

Hər iki faktla bağlı araşdırmalara başlanılıb.