Cəlilabadda avtomobil aşıb, xəsarət alan var

Cəlilabad rayonunda xəsarətlə nəticələnən yol qəzası baş verib.

"Report"un Muğan bürosunun məlumatına görə, hadisə rayonun Məmmədrzalı kəndində qeydə alınıb. 

İlkin məlumata görə, minik avtomobilinin aşması nəticəsində rayon sakini, 1992-ci il təvəllüdlü Hüseynov Mərhəmət İbrahim oğlu xəsarət alıb. Yaralı xəstəxanaya yerləşdirilib.

Faktla bağlı araşdırma aparılır.