Cəlilabad və Biləsuvarda dolu fəsadlar törədib - YENİLƏNİB

Biləsuvarda dolu bir sıra fəsadlar törədib.

"Report"un Muğan bürosunun məlumatına görə, dolu rayonun bəzi ərazilərinə düşüb. Daha sonra güclü leysan yağışı yağıb.

Təhlükəsizlik məqsədilə rayon mərkəzində və bir neçə kənddə elektrik enerjisinin verilişində fasilələr yaranıb.

Hazırda rayon ərazisində yağıntılı hava şəraiti davam edir.

19:34

Cəlilabada güclü dolu yağıb, meyvə ağaclarına ziyan dəyib.

"Report"un Muğan bürosunun verdiyi məlumata görə, dolu əsasən rayonun bir neçə kəndinə düşüb.

Təqribən bu gün axşam saat 19:05 radələrindən etibarən yağmağa başlayan dolu 7 dəqiqəyə yaxın güclü yağışla davam edib.