BQXK Füzulidə polis əməkdaşlarına təlim keçib

Beynəlxalq Qırmızı Xaç Komitəsi (BQXK) tərəfindən Füzuli rayonunda təhlükəli ərazilərdə xidmət aparan polis əməkdaşları üçün mina və digər partlayıcı vasitələrlə davranış qaydaları mövzusunda təlim keçirilib.

“Report”un əldə etdiyi məlumata görə, təlimdə vizual materiallar əsasında minalar və silah qalıqlarının yarada biləcəyi təhlükələr haqqında ətraflı məlumatlar verilib.

Daxili İşlər Nazirliyinin Mətbuat Xidməti “Report”a faktı təsdiqləyib.