Binəqədi rayonunda liftdə köməksiz qalan şəxs xilas edilib

Bakı. 15 yanvar. REPORT.AZ/ Bakının Binəqədi rayonunda bir nəfər liftdə köməksiz vəziyyətdə qalıb.

"Report" Fövqəladə Hallar Nazirliyinə (FHN) istinadən xəbər verir ki, qurumun “112” qaynar telefon xəttinə daxil olmuş məlumata əsasən, hadisə yerinə xilasedicilər cəlb edilib.

FHN-in əməkdaşları liftin qapısını açaraq vətəndaşın liftdən çıxmasına şərait yaradıblar. Əməliyyat saat 01:47-də başa çatıb.