Binədə istixana üstündə dava düşüb, 1 nəfər bel ilə döyülüb

Bakı. 5 iyul. REPORT.AZ/ Bakının Xəzər rayonunun Binə qəsəbəsində istixana istifadə edən qohumlar arasında mübahisə düşüb.

"Report" xəbər verir ki, mübahisə davaya çevrilib və nəticədə 49 yaşlı Bədəlov İsmayıl Yusif oğlu bel ilə döyülüb.

O, üz və bədən nahiyələrindən xəsarət alaraq xəstəxanaya yerləşdirilib.

Xəzər Rayon Polis İdarəsində araşdırma aparılır.