Yuxarı

Biləsuvarda Mübariz İbrahimovun ev muzeyi tikilir - FOTO - VİDEO

​Biləsuvarda Mübariz İbrahimovun ev muzeyi tikilir
Sərgi zalında qəhrəmana aid şəxsi əşyalar qorunacaq

Biləsuvar. 7 fevral. REPORT.AZ/ Biləsuvar rayonunda Milli Qəhrəman Mübariz İbrahimovun ev muzeyi tikilir.

"Report"un Muğan bürosunun məlumatına görə, ev muzeyi şəhidin doğulduğu Əliabad kəndində, onun yaşadığı evin həyətində tikilir. Artıq muzeyin inşasına bir aya yaxındır ki, başlanılıb.

Tikinti işləri Biləsuvar Rayon İcra Hakimiyyəti tərəfindən aparılır.

Ev muzeyi bir mərtəbədən ibarət olacaq ki, burada da sərgi zalı yerləşəcək. Sərgi zalında qəhrəmana aid şəxsi əşyalar və onun həyat yolunu əks etdirən kitablar, fotolar qorunacaq. Muzeyin iki aya təhvil verilməsi planlaşdırılır.

Qeyd edək ki, bu gün Milli Qəhrəman Mübariz İbrahimovun doğum günüdür. Qəhrəman 1988-ci ilin fevralın 7-də Biləsuvar rayonunun Əliabad kəndində anadan olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi