Biləsuvarda avtomobil piyadanı vuraraq öldürüb, sürücü saxlanılıb - YENİLƏNİB

Biləsuvarda piyadanın ölümünə səbəb olan sürücü saxlanılıb.

"Report"un Muğan bürosunun məlumatına görə, 1992-ci il təvəllüdlü Hüseyn Cəfərlinin idarə etdiyi "VAZ-2107" markalı nəqliyyat vasitəsi yolu qarşı tərəfə keçmək istəyən piyada 1981-ci il təvəllüdlü Elçin Cabbarovu vurub.

Piyada aldığı xəsarətlərdən hadisə yerində ölüb.

Hadisəni törətməkdə şübhəli bilinən sürücü H.Cəfərli saxlanılaraq istintaqa təhvil verilib.

Faktla bağlı araşdırma davam etdirilir.

01:52

Biləsuvar rayonunda piyadanın ölümü ilə nəticələnən yol qəzası baş verib.

"Report"un Muğan bürosunun məlumatına görə, hadisə Biləsuvar şəhəri ərazisində olub.

Belə ki, 1981-ci il təvəllüdlü Cabbarov Elçin Yaşar oğlu yolu keçərkən avtomobil onu vurub. E.Cabbarov aldığı xəsarətlərdən hadisə yerində ölüb.

Faktla bağlı araşdırma aparılır.