Biləsuvar sakini həmyerlisinin avtomobilini qaçırıb

Biləsuvar rayonunda avtomobil qaçırılıb.

Bu barədə "Report"a Daxili İşlər Nazirliyinin (DİN) Mətbuat xidmətindən məlumat verilib.

Belə ki, Biləsuvar Rayon Polis Şöbəsinə müraciət edən Muğankənd kənd sakini A.Cəfərov oktyabrın 21-də şəhər ərazisindən “VAZ-2106” markalı avtomobilinin qaçırıldığını bildirib. 

Keçirilən əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Biləsuvar şəhər sakini T.Rüstəmov avtomobillə birgə saxlanılıb.

Faktla bağlı araşdırma aparılır.