Bərdədə xəstəxanadan qaçmaq istəyən şəxs binadan yerə atılaraq ölüb - FOTO - YENİLƏNİB

Bərdə. 1 yanvar. REPORT.AZ/ Bərdə rayonunda özünü xəstəxananın pəncərəsindən ataraq qaçmaq istəyərkən ölən şəxsin adı məlum olub. 

Xəstəxanadan "Report"un Qarabağ bürosuna verilən məlumata görə, Marif  Hüseyn oğlu Vəliyev ilk öncə Yol Patrul Xidmətinin əməkdaşları tərəfindən yol kənarında yıxılmış vəziyyətdə tapılaraq xəstəxanaya gətirilib. Özünü normal aparmayan xəstə həkim nəzarətinə götürülərək Travmatologiya şöbəsinə yerləşdirilib. Məhz bundan sonra xəstə gecə saatlarında müalicə aldığı palatanın pəncərəsini açaraq qaçmağa cəhd göstərib.

Meyit Məhkəmə Tibbi Ekspertiza və Pataloji Anatomiya Birliyində müayinə edildikdən sonra ailəsinə təhvil verilib.

Faktla bağlı Bərdə Rayon Prokurorluğu tərəfindən araşdırma aparılır.

***17:28

Bərdə. 1 yanvar. REPORT.AZ/ Bərdə rayonunda orta yaşlı kişi özünü xəstəxananın pəncərəsindən yerə ataraq ölüb.

"Report"un Qarabağ bürosu xəbər verir ki, Rayon Mərkəzi Xəstəxanasının Travmatologiya şöbəsində müalicə alan, şəxs tibb müəssisəsindən qaçmaq məqsədi ilə birinci mərtəbədən yerə atılıb. Bu zaman xəstənin başı yerə dəydiyindən o, ağır kəllə-beyin travması alıb. Yaralı bu dəfə Reanimasiya şöbəsinə yerləşdiriləsə də, həkimlər onun həyatını xilas edə bilməyib.

Faktla bağlı araşdırmalara başlanılıb.