Bərdədə toyda oynamaq üstündə kütləvi dava düşüb

Bakı. 30 Avqust. REPORT.AZ/ Bərdə rayonunda keçirilən toy mərasimlərindən birində kütləvi dava düşüb.

"Report" xəbər verir ki, hadisə rayonun Buəhmədli kəndində yerləşən "Ay-ulduz" şadlıq sarayında qeydə alınıb.

Belə ki, Məmmədovlar ailəsinin xeyir işində toya dəvətli olan iki qohum arasında oynamaq üstündə dava düşüb. Dava zamanı 24 yaşlı Xurşudov Qalib Teymur oğlu xəsarət alıb. Zərərçəkmiş kəsilmiş-deşilmiş bədən xəsarətləri ilə rayon xəstəxanasına yerləşdirilib.

Faktla bağlı rayon Polis şöbəsində araşdırma aparılır.