Bərdədə çökən körpü təmir edilərək yenidən istifadəyə verilib

Bərdə. 8 noyabr. REPORT.AZ/ Bərdə rayonu ərazisindən keçən Tərtər çayı üzərindəki körpüdə təmir işləri yekunlaşıb.

"Report"un Qarabağ bürosu xəbər verir ki, ağır tonnajlı yük avtomobillərinin intensiv hərəkəti nəticəsində çökən körpü 43 saylı Yol İstismar İdarəsinin əməkdaşları tərəfindən bir neçə gün ərzində təmir edilib.

Körpü dayaqlarında bərkitmə işləri aparılaraq yenidən sürücülərin istifadəsinə verilib.

Bir neçə gün öncə uzun illərdir istifadə olunan körpünün dayaqlarında çökmə nəticəsində iri çatlar əmələ gəlmişdi. Bu səbəbdən yük avtomobillərinin burada hərəkəti qismən məhdudlaşdırılmışdı.

Körpünün eni 10,50 sm, uzunluğu isə 100 metrdir.