Bərdədə 18 yaşlı oğlan bıçaqlanıb

Hadisə
  • 08 avqust, 2018
  • 10:00
Bərdədə 18 yaşlı oğlan bıçaqlanıb

Bərdə. 8 avqust. REPORT.AZ/ Bərdə rayonunda 18 yaşlı oğlan bıçaqlanıb.

"Report"un Qarabağ bürosunun verdiyi məlumata görə, hadisə rayonun Qasimbəyli kəndində qeydə alınıb. 

Belə ki, həmin kəndin sakinləri, 1996-ci il təvəllüdlü Elvin Mehdizadə və 2000-ci il təvəllüdlü Asim Savalanlı ilə aralarında mübahisə yaranıb. Mübahisə zəminində E.Mehdizadə A.Savalanlını bıçaqlayaraq qaçıb. Yaralı yaxınlıqdakıların köməyi ilə Bərdə Rayon Mərkəzi Xəstəxanasına çatdırılıb.

Faktla bağlı Bərdə Rayon Polis Şöbəsində araşdırma aparılır.