Bayram günü Mingəçevirdə ev yanıb - VİDEO

Mingəçevir. 20 mart. REPORT.AZ/ Axşam saatlarında Mingəçevir şəhərində yanğın hadisəsi baş verib.

"Report"un Şirvan bürosu xəbər verir ki, yanğın Şah İsmayıl Xətai küçəsində yerləşən 12 saylı binanın 33-cü mənzilində qeydə alınıb.

Hadisə zamanı qonşuluqda yaşayan 42 yaşlı qadın huşunu itirib və ona yerindəcə ilkin tibbi yardım göstərilib.

Yanğın zamanı mənzildə adam olmayıb. Alovun yayılmasının qarşısını almaq mümkün olub, yanğın söndürülüb.

Evdə kirayənişinlərin qaldığı bildirilir.

Hadisənin hansı səbəbdən baş verdiyi araşdırılır.