Yuxarı

Bakıda piyada zolağından keçən gənc qadını avtomobil vurub - VİDEO

Hadisə avqustun 13-də günorta saatlarında paytaxtın Afiyəddin Cəlilov küçəsində baş verib

Bakı. 13 avqust. REPORT.AZ/ Bakıda piyada zolağından istifadə etməklə yolu keçmək istəyən gənc qadını avtomobil vurub.

“Report” xəbər verir ki, hadisə avqustun 13-də günorta saatlarında paytaxtın Xətai rayonu ərazisindəki Afiyəddin Cəlilov küçəsində baş verib.

Belə ki, gənc qadın piyadalar üçün nəzərdə tutulan zolaqdan istifadə etməklə yolu keçmək istəyərkən sürətlə gələn "Mercedes" markalı 90-KM-306 dövlət nömrə nişanlı avtomobil onu vurub. Piyada aldığı zərbədən yerə yıxılıb və ayağa qalxa bilməyib.

Piyadanı vuran avtomobilin sürücüsü və yaxınlıqda olan insanlar zərərçəkmişə yardım ediblər.

“Report” hadisənin video görüntülərini təqdim edir:

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi