Bakıda yol qəzası oldu, xəsarət alan var

Bakıda xəsarətlə nəticələnən yol qəzası baş verib.

“Report”un məlumatına görə, hadisə Xətai rayonunda qeydə alınıb.

İki avtomobilin toqquşması nəticəsində 1984-cü il təvəllüdlü Tağıyeva Günel İslam qızı xəsarət alıb. O, təcili yardımın köməkliyi ilə xəstəxanaya çatdırılıb.

Müayinə zamanı G.Tağıyevaya döş qəfəsinin və qarının küt travması diaqnozları qoyulub.

Faktla bağlı araşdırma aparılır. 

Ramin Şahbazov