Bakıda yol qəzası oldu, xəsarət alan var

Bakıda xəsarətlə nəticələnən yol qəzası olub.

“Report” xəbər verir ki, hadisə Nəsimi rayonunda qeydə alınıb.

“Nəsimi” bazarı yaxınlığında “Hyundai Tucson” markalı avtomobil arxadan “Opel” markalı avtomobilə çırpılıb. Hadisə nəticəsində “Opel”in sürücüsü müxtəlif dərəcəli bədən xəsarətləri alıb. Yaralı təcili yardımın köməyi ilə 1 saylı Şəhər Kliniki Xəstəxanasına çatdırılıb. Müayinə zamanı ona kəllə-beyin travması diaqnozu qoyulub.

Faktla bağlı araşdırma aparılır.

Ramin Şahbazov