Bakıda yol hərəkəti qaydasını pozan sürücü qəza törədib

Bakı. 25 aprel. REPORT.AZ/ Bakıda yol hərəkəti qaydasını pozan sürücü qəza törədib.

"Report"un xəbərinə görə, hadisə paytaxtın Binəqədi rayonu, Biləcəri qəsəbəsində qeydə alınıb.

Belə ki, "BMW" markalı avtomobilin sürücüsü yol hərəkəti qaydasını pozaraq qoşa xəttin üzərindən keçərək əks istiqamətə hərəkət edən zaman "Mercedes" markalı avtomobil ona çırpılıb. Nəticədə hər iki avtomobil deformasiyaya uğrayıb.

Əraziyə Dövlət Yol Polisi İdarəsinin Binəqədi Rayon Şöbəsinin əməkdaşları cəlb edilib, araşdırma aparılır.