Bakıda yaşlı qadın öz evində naməlum şəraitdə bıçaqlanıb

Bakı. 6 may. REPORT.AZ/ Bakının Nərimanov rayonunda yaşlı qadın naməlum şəraitdə bıçaqlanıb.

"Report"un xəbərinə görə, hadisə Maqsud Əlizadə küçəsində yerləşən evlərin birində qeydə alınıb.

1958-ci il təvəllüdlü İ.Q. naməlum şəraitdə qarın nahiyəsindən bıçaqlanıb.

Nərimanov Rayon Polis İdarəsinin əməkdaşları hadisənin kim və ya kimlər tərəfindən törədildiyini araşdırır.