Bakıda vətəndaşlara qarşı dələduzluq edən şəxsə hökm oxunub

Bakı. 31 yanvar. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Elçin Məmmədovun cinayət işi üzrə məhkəmə iclası başa çatıb.

"Report"um məlumatına görə, hakim Rasim Sadıqovun sədrliyi ilə keçirilən prosesdə hökm oxunub.

Məhkəmənin hökmü ilə E.Məmmədov 9 il müddətinə azadlıqdan məhrum edilib.

Qeyd edək ki, E.Məmmədov 10-a yaxın vətəndaşı işə düzəltmək adı ilə aldadaraq, onlardan ümumilikdə 30 min manat pul alıb. Lakin sonra o, verdiyi vədə əməl etməyib. Zərərçəkmişlərin hüquq-mühafizə orqanlarına şikayəti əsasında saxlanılan E.Məmmədovun barəsində Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə cinayət işi açılıb.