Yuxarı
    Bağlamaq

    Bakıda universitet tələbəsi faciəli şəkildə ölüb - YENİLƏNİB

    O, ağır kəllə-beyin travması alaraq dünyasını dəyişib© Foto: "Report"

    Bakı. 4 iyul. REPORT.AZ/ Bakıda faciəli şəkildə ölən şəxsin Memarlıq və İnşaat Universitetinin tələbəsi olduğu məlum olub.

    “Report”un məlumatına görə, Mehdiyev Samir Azi oğlu universitetin 205 a8-ci qrupunda təhsil alırmış.

    Universitetin Mətbuat xidmətinin rəhbəri Nəcibə Mirzəyeva “Report”a bildirib ki, Samir Mehdiyev döyülmə deyil, avtomobil vurması nəticəsində dünyasını dəyişib.

    Faktla bağlı araşdırma aparılır.

    Qeyd edək ki, S.Mehdiyevin Azərbaycan Texniki Universitetinin tələbəsi olduğu bildirilirdi.


    *** 07:45

    Bakı. 4 iyul. REPORT.AZ/ Bakıda ölüm hadisəsi baş verib.

    "Report" xəbər verir ki, hadisə paytaxtın Nəsimi rayonunda qeydə alınıb.

    Fikrət Əmirov küçəsi ilə 28 May küçəsinin kəsişməsində Mehdiyev Samir Azi oğlu ağır vəziyyətdə müəyyən edilib. O, yoldan keçənlərin köməyi ilə xəstəxanaya yerləşdirilib.

    Həkimlər S.Mehdiyevin ağır kəllə-beyin travması aldığını bildiriblər. Lakin onların səylərinə baxmayaraq yaralının həyatını xilas etmək mümkün olmayıb.

    Faktla bağlı hüquq-mühafizə orqanları tərəfindən cinayət işi başlanılıb, tədqiqat aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi