Bakıda sürücü avtomobildən düşərkən ona 4 bıçaq zərbəsi vurulub

Bakı. 19 iyun. REPORT.AZ/ Binəqədi rayonunda orta yaşlı kişi tanımadığı şəxslər tərəfindən bıçaqlanıb.

"Report" xəbər verir ki, hadisə Atatürk prospektində baş verib.

Ayna Sultanova adına parkın yaxınlığında ailəsi ilə birgə avtomobilindən enən 1987-ci il təvəllüdlü Atakişiyev Elvin Məhərrəm oğluna 2 nəfər naməlum şəxs yaxınlaşıb. Naməlum şəxslərdən biri qəfil E.Atakişiyevə 4 bıçaq zərbəsi vurub. 

Yaralı təcili yardım vasitəsilə 1 saylı Kliniki Tibbi Mərkəzə yerləşdirilib.

Faktla bağlı Binəqədi Rayon Polis İdarəsinin 5-ci Polis Bölməsinin əməkdaşları hadisə yerinə cəlb edilib. Araşdırma aparılır.

Qeyd edək ki, E.Atakişiyev bu gün həyat yoldaşı ilə birlikdə Rusiyadan Bakıya gəlib.