Bakıda qayınatasını öldürməkdə təqsirləndirilən kürəkənin ibtidai istintaqı yekunlaşıb

Bakı. 23 oktyabr. REPORT.AZ/ Bakıda qayınatasını qətlə yetirməkdə təqsirləndirilən Samir Şabanovun cinayət işi üzrə ibtidai istintaq başa çatıb.

"Report"un xəbərinə görə, cinayət işinin ibtidai istintaqı yekunlaşaraq Bakı Ağır Cinayətlər Məhkəməsinə göndərilib.

Məhkəmənin hazırlıq iclası oktyabrın 30-na təyin edilib.

Cinayət işi hakim Eldar İsmayılovun icraatına verilib.

Qeyd edək ki, S.Şabanov bu il aprelin 21-də Sabunçu rayonunun Maştağa qəsəbəsində qəsəbə sakini Hətəm Şabanovu küt alətlə qətlə yetirib.