Bakıda qadına qarşı soyğunçuluq edildi

Bakıda soyğunçuluq hadisəsi baş verib.

“Report”un xəbərinə görə, hadisə martın 17-si saat 22:15 radələrində Nizami rayon ərazisində qeydə alınıb.

Belə ki, naməlum şəxs 1975-ci il təvəllüdlü T.Gərayovanın əlindən içərisində 104 manat, mobil telefon qulaqcıq və şəxsiyyət vəsiqəsi olan çantasını soyğunçuluq yolu ilə ələ keçirib.

Yaxınlıqda olan Nizami Rayon Mühafizə İdarəsinin polis serjantı hadisəni törətməkdə şübhəli bilinən Cəlilabad rayon sakini, 1989-cu il təvəllüdlü, əvvəllər məhkum olunmuş Şaiq Həsənov saxlayaraq 24-cü Polis Şöbəsinə təhvil verib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, əməliyyat-axtarış və əməliyyat-istintaq tədbirləri davam etdirilir.