Bakıda piyadanı motosiklet vurdu

Bakının Xətai rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

“Report” xəbər verir ki, hadisə Nobel prospektində qeydə alınıb.

1990-cı il təvəllüdlü Hacıyev Amid Mirzəməmməd oğlu yolu keçərkən onu motosiklet vurub.

Yaralı təcili tibbi yardım briqadasının köməkliyi ilə xəstəxanaya çatdırılıb.

Ona sağ baldırın sınığı diaqnozu qoyulub. Faktla bağlı araşdırma aparılır.