Bakıda piyadanı avtomobillə vurub öldürən şəxsin məhkəməsi başlayıb

Bakı. 2 noyabr. REPORT.AZ/ Nərimanov Rayon Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Telman Xanəliyev cinayət işi üzrə məhkəmə iclası başlayıb.

"Report"un xəbərinə görə, hakim Samir Məmmədovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası noyabrın 13-nə təyin edilib.

Qeyd edək ki, hadisə Nərimanov rayonunun Ziya Bünyadov prospektində qeydə alınıb.

Belə ki, bu il avqustun 16-da saat 7 radələrində Bakı şəhər sakini Telman Xanəliyev idarə etdiyi “Mitsubishi” markalı avtomobillə yolu keçən Masallı rayon sakini Seymur Müzəffərovu vurub və nəticədə piyada hadisə yerində ölüb.