Bakıda piyadanı avtomobil vuraraq öldürüb

Bakı. 20 sentyabr. REPORT.AZ/ Bakıda piyadanı avtomobil vuraraq öldürüb.  

Daxili İşlər Nazirliyindən "Report"a verilən məlumata görə, hadisə sentyabrın 19-da saat 10 radələrində Sabunçu rayonunun Pirşağı qəsəbəsi ərazisində qeydə alınıb. 

Belə ki, həmin qəsəbənin sakini Balahüseyn Ağayev idarə etdiyi “Honda” markalı avtomobillə yolu keçən həmyerlisi Zülfi Əlibalaoğlunu vurub və nəticədə piyada xəstəxanaya aparılarkən yolda ölüb.

Sabunçu rayon Polis İdarəsi tərəfindən araşdırma aparılır.