Bakıda orta yaşlı kişi bıçaqlandı

Bakıda bıçaqlanma hadisəsi baş verib.

“Report”un məlumatına görə, Xətai rayon sakini, 1984-cü il təvəllüdlü Müsəllimov Həmzə Elgün oğlu mübahisə zəminində bıçaq xəsarəti alıb.

O, təcili yardımın köməkliyi ilə xəstəxanaya çatdırılıb və tibbi yardım göstərilib. Müayinə zamanı H.Müsəllimovun qarın boşluğunda bir ədəd kəsilmiş-deşilmiş yara aşkarlanıb. Yaralı cərrahi əməliyyat edilib.

Faktla bağlı araşdırma aparılır.

Ramin Şahbazov