Bakıda orta məktəb şagirdi yıxılaraq xəsarət alıb

Bakıda orta məktəb şagirdi yıxılaraq xəsarət alıb.

“Report” xəbər verir ki, hadisə F.Gözəlov adına 124 nömrəli tam orta məktəbdə qeydə alınıb.

Belə ki, məktəbin 13 yaşlı şagirdi E.D. yıxılaraq yüngül xəsarət alıb.

O, dərhal təcili yardım maşını ilə 3 saylı Şəhər Klinik Xəstəxanasına çatdırılıb.

Səhiyyə Nazirliyindən “Report”un sorğusuna cavab olaraq bildirilib ki, məktəbli müayinə olunub və heç bir travması olmayıb. O, bu gün evə buraxılacaq.