Yuxarı

Bakıda minik avtomobili qatarla toqquşub, xəsarət alanlar var - FOTO

Bakıda minik avtomobili qatarla toqquşub, xəsarət alanlar var - FOTO
Maşın sürətlə gələrək qatara çırpılıb
© Report

Bakı. 29 mart. REPORT.AZ/ Bakının Xəzər rayonunda minik avtomobili ilə qatarın toqquşması ilə nəticələnən yol qəzası baş verib.

"Report" xəbər verir ki, Qala qəsəbəsində qatar dəmir və avtomobil yolunun kəsişdiyi yerdən keçən zaman yüksək sürətlə gələn "Mitsubishi" markalı maşın ona çırpılıb.

Qəza nəticəsində avtomobilin sürücüsü və sərnişini xəsarət alıb. Yaralılar 3 saylı Kliniki Tibbi Mərkəzə yerləşdirilib. Xəstəxana həkimlərinin verdiyi məlumata görə, 1998-ci il təvəllüdlü Hüseynov Həsən Firdovsi oğlunun vəziyyəti ağır olduğundan o, Reanimasiya şöbəsinə yerləşdirilib.

Hadisə ilə bağlı Xəzər Rayon Polis İdarəsinin əməkdaşları tərəfindən avtotexniki ekspertiza təyin edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi