Bakıda mənzildən 4 600 dollar və 20 min manatlıq qızıl oğurlanıb

Bakı. 26 dekabr. REPORT.AZ/ Bakıda mənzildən 4 600 ABŞ dolları və qızıl-zinət əşyaları oğurlanıb.

"Report"un xəbərinə görə, hadisə Nərimanov rayonu, Fətəli Xan Xoyski küçəsindəki evlərdən birində qeydə alınıb.

Belə ki, 1964-cü il təvəllüdlü N.Ə. evdə olmadığı vaxtda onun mənzilindən 4 600 ABŞ dolları və 20 000 manat dəyərində qızıl-zinət əşyaları oğurlanıb.

Faktla bağlı araşdırma aparılır.