Bakıda maşın piyadanı vuraraq öldürüb

Bakının Ziya Bünyadov prospektinin Əliyar Əliyev küçəsi ilə kəsişməsində, dəmirloyu üzərində yerləşən yol ötürücüsünün (keçmiş Çermet körpüsü) altında piyadanı maşın vurub.

"Report" xəbər verir ki, yolun piyadalar üçün nəzərdə tutulmayan hissəsində baş vermiş hadisəni “Mercedes” markalı avtomobilin sürücüsü törədib.

Təqribən 50-55 yaşlı kişi aldığı bədən xəsarətləri nəticəsində qəza yerində dünyasını dəyişib. Meyitin şəxsiyyəti məlum deyil.

Ramin Şahbazov