Bakı. 20 noyabr. REPORT.AZ/ Bakıda küçədə gənc oğlanın boynuna bıçaq zərbəsi vurulub
"Report" xəbər verir ki, hadisə Xətai rayonunda baş verib.
Belə ki, Sarayev küçəsində 1994-cü il təvəllüdlü Ağamirzəyev Məhəmməd Rza oğlu küçədə naməlum şəxslə əlbəyaxa dava edib. Dava zamanı onun boyun nahiyəsinə bıçaqla zərbə vurulub.
Yaralı xəstəxanaya yerləşdirilib.
Faktla bağlı Xətai Rayon Polis İdarəsində araşdırma aparılır.