Bakıda kişi arvadını bıçaqlayıb

Bakı. 7 noyabr. REPORT.AZ/ Bakıda kişi həyat yoldaşını bıçaqlayıb. 

Hüquq-mühafizə orqanlarından "Report"a verilən məlumata görə, hadisə Səbail rayonu, İ.Ağayev küçəsi ev 3, mənzil 4-də baş verib. 

Həmin ünvanda yaşayan 1956-cı il təvəllüdü Şöhlət Quliyev ailə münaqişəsi zəminində həyat yoldaşı, 1963-cü il təvəllüdü Fəridə Mürsəlovanı kürək nahiyəsindən bıçaqlayıb. 

F.Mürsəlova xəstəxanaya yerləşdirilib, vəziyyəti ağırdır.

Faktla bağlı araşdırma aparılır.