Bakıda kafedə gənc sərxoş halda bıçaqlanıb

Bakı. 28 iyul. REPORT.AZ/ Nəsimi rayonunda bıçaqlanma hadisəsi baş verib.

"Report"un xəbərinə görə, hadisə 3-cü mikrorayon bazarında baş verib.

Bazarda yerləşən "Körpü" kafesində müştəri kimi əyləşən Rüstəmov Yaməddin Asif oğlu digər masadakı şəxslə mübahisə edib. Mübahisənin sonu əlbəyaxa dava ilə nəticələnib. Dava zamanı Y.Rüstəmov qarın nahiyəsindən bıçaqlanıb. Yaralı təcili yardım vasitəsilə 1 saylı Kliniki Tibbi Mərkəzə yerləşdirilib.

Faktla bağlı Nəsimi Rayon Polis İdarəsinin 19-cu Polis Bölməsinin əməkdaşları hadisə yerinə baxış keçirib. Bir nəfər saxlanılıb. Məlum olub ki, hər iki şəxs sərxoş vəziyyətdə olub.