Bakıda işlədiyi fermadan çıxan gənc itkin düşüb

Bakıda 19 yaşlı gənc itkin düşüb.

“Report”un xəbərinə görə, hadisə noyabrın 17-də paytaxtın Sabunçu rayonu Pirşağı qəsəbəsi ərazisində baş verib.

Belə ki, Pirşağı qəsəbəsinin yeni yaşayış sahəsində yerləşən fermada yaşayan və işləyən 2000-ci il təvəllüdlü Səyyad Bayramov saat 12 radələrində fermadan çıxıb və bir daha geri qayıtmayıb.

Daha sonra gəncin yaxınları hüquq-mühafizə orqanları əməkdaşlarına müraciət edib.

Faktla bağlı Sabunçu Rayon Polis İdarəsinin 15-ci Polis Bölməsi əməkdaşları tərəfindən araşdırma aparılır.