Bakıda gənc oğlana çəngəllə ağır xəsarət yetirilib

Bakı. 19 iyul. REPORT.AZ/ Yasamal rayonunda evdə münaqişə zəminində bir nəfər xəsarət alıb.

"Report"un xəbərinə görə, hadisə xəsarət alan şəxsin evində baş verib.

Məmmədzadə küçəsi, 11 A ünvanında 1991-ci il təvəllüdlü Mustafayev Tərlan Ağa oğlu naməlum şəraitdə evdə xəsarətlər alıb. 

O, 1 saylı Kliniki Tibbi Mərkəzə yerləşdirilib. Həkimlər cərrahi əməliyyat zamanı müəyyən ediblər ki, T.Mustafayevə çəngəllə bir neçə dəfə zərbə vurulub.

Bununla bağlı Yasamal Rayon Polis İdarəsinə məlumat verilib.