Bakıda gənc oğlan bıçaqlanıb

Bakı. 10 aprel. REPORT.AZ/ Bakıda gənc oğlan ayağından bıçaqlanıb.

"Report"un xəbərinə görə, hadisə Suraxanı rayonunda qeydə alınıb.

Belə ki, Z.Əliyev 15 ünvanında 28 yaşlı Məmmədov Ağa Haqqı oğlu ayağından bıçaqlanıb. O, aldığı xəsarətlərdən çoxlu qan itirib. A.Məmmədov xəstəxanaya yerləşdirilib. Həkimlər onun vəziyyətini orta-ağır kimi qiymətləndirir.

Faktla bağlı Suraxanı Rayon Polis İdarəsində araşdırma aparılır.