Bakıda fəhləni yüksək gərginlikli elektrik cərəyanı vuraraq yandırıb

Bakı. 24 oktyabr. REPORT.AZ/ Bakının Sabunçu rayonunda ölümlə nəticələnən bədbəxt hadisə baş verib.

"Report" xəbər verir ki, hadisə 1983-cü il təvəllüdlü Xəlilov Azər İsa oğlu Zabrat qəsəbəsindəki fərdi yaşayış evinin damında təmir işi görən zaman qeydə alınıb.

A.Xəlilov iş görərkən yüksək gərginlikli elektrik xəttinə toxunub. Nəticədə onu cərəyan vurub. Zərərçəkmiş bədənin 70 faizinin termiki yanığı diaqnozu ilə Respublika Yanıq Mərkəzinə yerləşdirilib. Lakin həkimlərin səylərinə baxmayaraq o, dünyasını dəyişib.

Fakt araşdırılır.