Bakıda evdən oğurluq edən şəxs tutuldu

Hadisə

16 may, 2020
05:42

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakıda evdən oğurluq hadisəsi baş verib.

“Report”un xəbərinə görə, hadisə mayın 9-u Suraxanı rayonu, Yeni Suraxanı qəsəbəsində qeydə alınıb.

Belə ki, naməlum şəxs S.İsmayılova məxsus evdən pəncərəni açmaqla 1 035 manat dəyərində olan təmir və tikinti materialları oğurlayıb.

Daha sonra S.İsmayılov hadisə barədə polis əməkdaşlarına müraciət edib.

Suraxanı Rayon Polis İdarəsinin 31-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini, 1996-ci il təvəllüdlü Rəsul Mirzəcanov müəyyən olunaraq saxlanılıb.

Faktla bağlı araşdırma aparılır.