Bakıda dramaturq İslam Səfərlinin barelyefi oğurlanıb

Bakı. 2 oktyabr. REPORT.AZ/ Bakıda şair-dramaturq, əməkdar incəsənət xadimi İslam Səfərlinin barelyefi oğurlanıb.

“Report”un xəbərinə görə, bununla bağlı dramaturqun oğlu Səbail Rayon Prokurorluğuna müraciət edib.

O müraciətində bildirib ki, İslam Səfərlinin Səbail rayonu ərazisində yerləşən barelyefi naməlum şəraitdə yoxa çıxıb.

Faktla bağlı araşdırma aparılır.

Qeyd edək ki, İslam Səfərli 1923-cü ildə Naxçıvanda anadan olub, 6 noyabr 1974-cü ildə Bakıda dünyasını dəyişib və Fəxri Xiyabanda dəfn olunub. Onun “Göz həkimi”, “Ana ürəyi”, “Yol ayrıcı”, “Xeyir və Şər”, “Dədəgünəş əfsanəsi” və s. əsərləri tamaşaya qoyulub, tamaşaçı rəğbəti qazanıb.