Bakıda daha bir tarixi binaya edilən qanunsuz müdaxilənin qarşısı alınıb.
Bu barədə "Report"a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Beynəlxalq və İctimaiyyətlə əlaqələr sektorunun müdiri Nuridə Allahyarova məlumat verib.
Onun sözlərinə görə, Mərdanov qardaşları küçəsində yerləşən tarixi binaya bu müdaxilənin qarşısı alınıb: "Tarixi binanın fasadını icarədar yaşıl rəngi sevir deyə korlamaq həm absurddur, həm də qanun pozuntusu. Qarşısı alındı və fasad əvvəlki görkəminə qaytarılacaq".